11 марта по старому стилю (24 марта по новому) Суббота+

Субота 5-я Великаго поста.
Иже во свв. отца нашего Софрония премудраго, патр. Иеросалимскаго (638-644; служба ему на павечернице вчера, накануне сея суботы) [4]. Иже во свв. отца нашего Евфимия, архиеп. Новгородскаго, чудотворца (1458) [Пл]; служба ему переносится на ин день или поется купно со службой Акафиста Богородице, якоже указася свв. влмчч. четыредесяти (Большой устав, л. 537-538). Служба Похвалы Пресвятыя Богородицы [Сл], в память чудеснаго избавления Царя-града от врагов в 625, 668- 685 и 716-741 гг.
Пренесение мощей св. мч. Епимаха. Свв. Асклипиада, Македония, Лина и Савина из дружины св. свщмч. Пиония (250). Прп. отца нашего Георгия синаита (VI). Прп. отца нашего Софрония печерскаго (XIII).
На лит. Ап. Евр. 322 и Евр. 320. Ев. Мр. 35 и Лк. 4. Аще ли служба Акафисту и св. Евфимию Новгородскому, на утр. Ев. Ин. 35 (от полу). На лит. прокимен, аллилуйя и причастны празднику Богородицы и святому; Ап. Евр. 320, Евр. 322 (под главу) и Евр. 318. Ев. Лк. 4, Мр. 35 (под главу) и Ин. 36.
Пища с маслом.

Cвв. Евфимий, сын новгородского священника, с 15-летнего возраста иночествовал в Вяжищском монастыре. С 1429 г. - архиепископ новгородский. Особенно прославился усердным созиданием церквей. После его кончины (1458 г.) на его теле были обнаружены железные вериги, от которых многие болящие получали исцеление.

ПРОПОВЕДЬ

Святитель Иоанн Златоуст

СЛОВО О ИГРАХ, И О ПЛЯСАНИИ

Земленая вся отвергше злая смышления, приидите и услышим духовная учения, и разсмыслите, како зло творим. Христос бо созда ны, и хоте ангелы сотворити ны, но мы сами себе во звери прелагаем. Еже бо безчинно жити, и работати мамоне неправедному, рекше: многая имения собирати, то зверии безстыдство. А еже величатися, и иного укоряти, и обидети, и красти, и лгати, то ни человеческо, ни зверьско, но бесовско дело и хотение; тии бо соблажняют, да бы им не единем мучимым быти.

Иного повождают на клевету, а иного на зависть, иного на блуд ласкают, и на ярость учат, и на гнев, и на гордость. А иного скупостию помрачают, и на грабление, и на разбой, и на пияньство устреляют. А иного на кощуны и песни сатанины, на плескание, на гудение, и на плясание учат, еже всех игрании проклятее есть, многовертимое плясание, занё отлучает человеки от Бога, и во дно адово сводит. Пляшущая бо жена, невёста нарицается сатанина, и любодеица дияволя, и супруга бесова. Не токмо бо сама будет сведена во дно адово пляшущая, но и тии, иже ея с любовию позоруют, и в сластех разжизаются на ню с похотью. Пляшущая бо жена, многим мужем жена есть, и тою диявол многи прельстит во сне и на яве. Вси любящи плясание, со Иродиею в негасимый огнь осудятся. Грешно бо есть и скверно и скаредно и своему мужу с таковою женою совокуплятися.

Яко же и пишет: седоша во рече, людие ясти и пити, и быша сыти и пияни, и восташа играти плясанием. И по плясании блуд начаша творити с чужими женами, и с сестрами. И потом приступиша ко идолом, и начаша жертву приносити им; и в том часе разступися земля и пожре их двадесять и три тысящи.

Се образ мучения показа всем согрешающим и не творящим воли Божии. Того ради, братие и сестры, блюдитеся, и не любите беззаконных игрании бесовских; паче же удаляйтеся плясания, да не зле в муку вечную осужени будете. Богу нашему слава, ныне и присно, и во веки веком. Аминь.

(Пролог, 24 марта)